“Khotso, e kae khotso - bakeng sa lichaba tsa lefats’e, malapa a rona, ka ho fetisisa khotso le botsitso maikutlong le mehopolong ea rona” Sello sena sa pomela se utloahetse melokong eohle ea ho phela hoa batho lefats’eng. A na see ke sello sa pelo ea hao? Batho ba khathetse ebile ba tsoenyehile ruri. Ntle le qeea-qeeo bohloki bona, bo teng ba ho tataisoa, ho eletsoa, le ba tsireletso, le bona boits’epo. Kannete ehlile re hloka le ho laba labela, khotso le botsitso mehopolong ea rona. Boiketlo ba maikutlo – ke letlotlo le leholo! Na feela letlotlo le le kaale le ka fumaneha lefats’eng le tletseng likhohlano, pherekano, lisuoa le mathata a mangata hakaale?

Batho ba lefats’e ba tsoile lets’olo! Bongata ba batho ba tsomana le boiketlo ba maikutlo,  maruo a bona, botumong ba bona, boithabisong le matleng le maemong a bona, thutong le ts’ebong tsa bona, le likamanong le lenyalong. Ba thahasella haholo ho ruoa ts’ebo le ho bokella maruo a mangata empa meea ea bona ha ee khotsofale ke tseo tsohle. Ba bang ba leka ho hlola liphephetso le liqholotso tsa lefats’e ka ho ts’abela tsebelisong ea lino-tai le lithethefatsi, empa le ha ho le joalo ba paloa ke ho bona khotso le boiketlo maikutlong a bona. Ba sala ntse ba hloname ebile ba le bolutu, ba le lefats’eng le tsoenyehile ka maikutlo a tsoenyehileng le bona.

Motho ea hlophehileng

Tsimolohong mOLIMO u ile a bopa motho ‘me a mo beha serapeng se setle a tletse khotso le thabo, maikutlo a hae a tsitsitse. Empa mohlang Adama le Eva ba sitetsoeng Molimo, ba ile ba ipona bofeela, eaba ba ikutloa molato. Ha pele bobeli ba ne ba labalabela boteng ba Molimo eaba ka mora ho mo siteloa ba ts’aba le ho ipatela boteng ba hae. Eaba joale lets’oalo la molato le ts’abo e kholo li ba lahlisa thabo, khotso ke boiketlo ba maikutlo tseo ba kileng ba li latsoa boteng ba Molimo. Sebe seo motho a ileng a se etsa ebile sona sesosa sa lefats’e le hlophehileng le ho hlopheha hoa maikutlo.

Le hoja meea ea rona e labalabela Molimo hakaalo, empa semelo sa rona sa boetsalibe, eba borabele ho litsela tsa Molimo. Khula-khulano e aka hare, maikutlong a motho ke sona sesosa sa likhohlano le ho lubakana hoa maikutlo. Ha rona, joalo feela ka Adama le Eva re ikhaba ebile re inahana borona , ebile re le likhang, eba joale re tlaloa ke lipelaelo le ho sareloa. Ha re tsoelapela ho icheba borona, e ba re hlopheha le ho feta.

Khotso Ea Sebele Lefats’eng Le Hlophehileng

Khotso, e hokae khotso ea sechaba sa rona, ea malapa a rona, ka hofetisisa ea lipelo le likelello tsa rona? Sello se na sa tlokotsi se hlomolang se utloaehetse ho tloha mengoaheng. Na ha se so sello sa pelo ea hau?

Batho ba imetsoe le hona ho ts’oenyeha. Ntle le pelaelo, ho na le tlhokahalo ea botataisi le tlhabollo, ts’ireletso le boits’epo. Re hloka le ho batla khotso ea sebele.

Khotso ea sebele- letlotlo la kelello! Na letlotlo leo le ka fumaneha lefats’eng le tletseng likhohlano, ho nyahama, mofere-fere le mathata?

Ho batlisisa ho qalile! Boholo ba batho ba batlana le khotso botumong, mahlohonolong, menateng le matleng, thutong le tsebong, likamanong le batho ba bang le lenyalong. Ba labalabela ho tlatsa lihlooho tsa bona ka tsebo, le mekotla ea bona ka leruo, empa meea ea bona e sa ts’ela letho. Ba bang ba batla ho baleha linnete tsa bophelo ka ho sebelisa lithetefatsi le joala, empa khotso eo e ea batsoa. Ba lutes ba ntse ba sena letho hape ba bolutung ka ha ba ntse ba le lefats’eng le tletseng mathata hape le likelello tsa bona li hlophehile.

Motho ka har’a mofere-fere

Molimo o entse motho a ba a ‘meha serapeng se setle hore a natefeloe ke khotso ea sebele, thabo le nyakallo. Letsoalo la molato le ile la otla Adama le Eva mohla ba siteloang Molimo. Ha pele ba ne ba labalabela boteng ba Molimo, re bona ba se ba ipatile ke ts’oabo. Molato le letsoalo li tlositse khotso le thabo eo ba neng bana le eona. Sebe sa motho e ile ea eba sona qaleho ea lefats’e le nang le mathata le kelello e nang le mathata.

Le ha moea oa rona o labalabela Molimo, motho oa rona oa nama o loana le litsela tsa Hae. Ntoa ena e ka hare e baka likhula-khulano le mats’oenyeho. Joalo ka Adama le Eva, le rona ha re inahana rona feela litakatsong le maikemistsong a rona, rea ts’oha le hona ho ts’oenyeha. Ho tsepamisa maikutlo ho rona haholo ho tla etsa hore re ts’oenngoe haholo. Lintho tse sa tsitsang tsa bophelo, le lefats’e le fetohang hape le bolang li sisinya ts’ireletso ea rona le ho luka khotso ea rona.

Leha e ba ha u so hlokomele kapa hona ho amohela, sebe e kanna ea eba lona lebaka la hau la ho hloka bolokolohi kapa eona khotso. Boholo ba batho bo batlana le lintho ka ntle hape e le lintho tse ts’oarehang hore ba fumane khotso. Ba beha molato ho lefats’e le senang khotso e le lebaka la ho hloka khotso hoa bona.

Jesu Kreste orena ooa khotso

Ha hona khotso hofihlela likarolo tsohle tsa bophelo li sebetsa hammoho le hamonate le Eo a re entseng le hore utloisisa. Hona ho oa fihleleha ka ho inehela kaho felletseng ho Kreste. Hase feela Morena oa lefats’e empa O re tseba ho tloha qalong ho isa qetellong. Mohopolong oa Hae e ne ele rona nakong eo a tlang lefats’eng “ho bonesetsa ba lutseng lefifing le moriting oa lefu, ‘me a tsamaise maoto a rona tseleng ea khotso.” (Luka 1:79).

Jesu o fana ka khanya sebakeng sa lefifi, ka khotso sebakeng sa lintoa, ka thabo sebakeng sa masoabi, ts’epo sebakeng sa ho nyahama, le bophelo sebakeng sa lefu. O re “ke le siela khotso, ke le fa khotso ea ka… lipelo tsa lona lis e ferekane, ‘me le se ts’ohe” Johanne 14:27

Pako e tlisa khotso ea kelello

Ha u utloa u imetsoe ke sebe, se u tutlela tlase, pheko ke ho baka… hape u fetoloe hore libe tsa hau li tle hlatsuoe. (Liketso 3:19). Morena Jesu o u mema hore u be le boitsebelo ba bophelo bo fetohileng hape bo nang le moelelo. “tlohong ho ‘na lona bohle ba khathetseng; ba imetsoeng, ‘me ke tla le imolla” (Matheu 11:28). 1 Johanne 1:9 e ts’episa hore, “ha re ipolela libe, Kreste o oa ts’epahala, hape o lokile hore a re ts’oarele libe tsa rona, ‘me a re hlatsoe makhopo ohle”. Na u ka amohela memo eo?

Ha u tla ho Jesu o fumana tsoarelo le tokoloho. Ha u ne u lokeloa ke khalefo le ho se ts’oareloe, pelo ea hau e tlatsoa ka lerato le mohau. Ka lebaka la hore Jesu o tla be a busa pelo ea hau, u tla rata le lira tsa hau. Sena sea fihleleha ka lebaka la mali a Jesu a lopollang.

Khotso e hlolang

Joalo ka Mokreste ho lumela Molimo le ho ts’epa tlhokomelo ea hae, ke tsona pheko ea letsoalo le mats’oenyeho. Ho khatholla hakakang ho ts’epa Molimo ea sa fetoheng ho tloha bosahlaheng ho isa bosafeleng. O oa re rata ebile O tla lula a re khathalla. Joale hobaneng u ts’oenyeha le hona ho ts’oha? Ithute ho etsa ka 1 Peterose 5:7, ”lahlelang lipelaelo tsa lona ho Eena hobane O oa le tsotella” re na le ts’episo e ‘ngoe hape; “…u tla mo boloka khotsong e fetisisang kahobane o U ts’epile” (Esaia 26:3)

Ha Jesu Kreste a se a le ka pelong ea hau, ha hosa hlokahala hore u ‘no batlane le khotso kae kapa kae. O tla u fa khotso le khutso e tlang ka lebaka la ho mots’epa. U tla roka le uena, u re;

“Ke tseba khotso moo khotso e leng sieo

Khutso moo meea e matla e fokang

Sebaka sa lekunutu mpo sefahleho sa ka se shebileng

Le Morena oaka nka tsamaea”

-Ralph Spalding Cushman

U tlaba le khotso e hlollang lefats’eng le hlophehileng! Bulela Jesu mamati a pelo ea hau – hona joale – hobane ka le leng la matsatsi, O tla u bulela mamati a leholimo moo khotso ea sebele e tla rena ka ho sa feleng.

Hokahana le Rona

Kopa libukana

“Eaba Lota o ikhethela lehoatata lohle la Jordane… ‘me a hloma litente tsa hae ho ea fihla Sodoma”.(Genese 13:11-12). Makhulo a ne a nonne, ‘me a e na le ntho tse ts’oarehang, empa a lahleheloa ke tsohle ha Sodoma e sengoa ka mollo.

Josefa ha e sa le mohlankana, o ne a khethe ho se its’ilafatse, a lula a hloekile, le ho loka, ‘me a fumants’oa boemo bo phahameng naheng ea Egepeta(Genese 41:41).

Joshua mohlanka oa Molimo, o ile a qholotsa bana ba Israele, “…ikhetheleng kajeno eo le tla mo sebeletsa…” (Joshua 24:15). A mpa a re: “Ha e le ‘na le ba ntlo e aka, re tla sebeletsa Jehova”. Eaba batho ba Israele ba re: “Re tla sebeletsa Jehova” Ho ts’abeng Molimo le ho mosebeletseng ka bots’epehi, ba ileng ba atleha litseleng tsa bona.

Mehleng ea moporofeta Elia, batho ba ne ba lebetse liketso tse matla tsa Molimo, tseo a li entseng hara bona, eaba ba mo furalla ba latela melingoana bo Baale, ‘me seo ha se ka sa thabisa Jehova. Molimo o ile a sebelisa Elia ka nako eo ea bohlokoa, ka tsela e hlollang ho bonts’a matla a hae a sa hloloeng ke letho.  Thabeng ea Karmele, Elia o ile a bitsa mollo ho tsoa leholimong eaba o chesa sehlabelo seo a neng a se entse, ho bonts’a hore Jehova ke Molimo oa ‘nete. O ile a botsa batho a re: “Le tla ba bo-temepeli ho fihlela neng? Ha Jehova e le Molimo, mo lateleng; ha eba ke Baale, mo lateleng.”  Sechaba sohle, ha se bona hoo, sa inama ka lifahleho, sa re: Jehova ke Molimo, Jehova ke Molimo” (1 Marena 18:21, 39).

Daniele mohlankana ea neng a nkiloe ho isoa kholehong Babilona, “A rera pelong ea hae hore a ke ke a its’ilafatsa ka lijo tse behoang tafoleng ea Morena, leha e le ka veine e nooang ke eena”.(Daniel 1:8). Ka baka la seo eena le metsoalle ea hae e meraro, bao le bona ba ileng ba etsa qeto e molemo, ba fumana mohau mahlong a Molimo le Morena oa Babilona. Ha ne ba sa etsa qeto tse hlomphehang ha kaalo, mehlala e kang oa ha Daniele a le lemeneng la litau, le oa banna ba bararo seboping sa mollo, e ka be e sa ngoloa Bibeleng.

Jesu o re fa sets’oants’o, sa Monna ea neng a na le bara ba babeli. Ea monyenyane a batla karolo ea hae ea mafa, eaba o ea naheng e hole, libeng. E ne e se qeto e hantle eo ea ileng a e nka. Kamora ho ja lefa leo a neng a na le lona, a lemoha hore o entse phoso e kholo.. A khetha ho khutlela ntlong ea ntat’ae, a ilo ikokobetsa pela hae. E ile eaba thabo e makatsang ha ba kopana. (Luka 15:11-32).

Morena oa rona Jesu, o ile a tsoaroa ‘me a isoa ka pela Pilato. ‘Me Ba-Juda ba hooa ba re: “Ha u lokolla enoa, ha u motsoalle oa Sesare” Eaba Pilato o nahanisisa ka taba e behiloeng ka pela hae. Eaba o khetha Sesare(Lefats’e), hona le Morena oa khanya ea neng a eme pela hae. A etsa qeto ea hae, ‘me a nehelana ka Jesu hore a thakhisoe.(Johanne 19). Ho khetha lefats’e le menyakoe ea lona ho lebisa ts’enyehong e sa feleng. (2 Petrose 3:10-11).

Ho khetha ho rolela moroalo oa hao ho ngoan’a Molimo, ho ena le ho ts’epa lefats’e ka litaba tsa hao, ke khetho e bohlale ebile e le ntle. Ho nka Morena Jesu e le motsoalle oa hao, ho re tlisetsa Moeletsi ea makatsang maphelong a rona, ea tla re tataisa liqetong tsa bophelo bona.

Motsoalle oa ka ea ntse a bala, Na uena u se u e ntse khetho ea ho latela Morena Jesu Kreste? Na Jesu o haufi le uena hape na ke moratuoa oa haoo, ho feta mang kapa mang lefats’eng? Na u se u amohetse litsela tsa hae, hore ebe litsela tsa hau, ka ho nehelana ka bophelo ba hau ho eena, oa ba oa bolela le ho furalla libe tsa hau tsohle? Na lentsoe la hae, le letle ho uena, na le monate ho feta libuka tseo u kileng oa li bala? Na u se u khethile sebaka e k aba kamoreng ea hau, lapeng ha hau, ka koloing ea hau, kapa hohle moo e ka bang sephiri sa ho nahanisisa le ho kopanela thapelo le Morena oa hau? Ha eba u fela u le oa hae, le Eena e le oa hau, u fihletsoe ke lehlohonolo le felletseng. Ke ho latsoa monate oa leholimo, lefats’eng. ‘Me ho etsa khetho e nepahetseng letsatsi le leng le leng bophelong ba hau ho tla etsa hore u be le bosafeleng bo monate, leholimong.

Hokahana le Rona

Kopa libukana

Ho Nyalla Moreneng

Ha ho buoa ka ho nyala “e mpe e be Moreneng” hoo ha ho bolele feela hore monna le mosali e be Ba-kreste, empa ho bolela hore Morena ebe Eena ea ba etellang pele ho kopaneng hoa bona.Ha ele litakatso tsa botho, khahleho ea lits’obotsi le seo motho anang le sona hase tsona lits’ia tsa lenyalo ke mafosisa ha motho a ka li hloaea ele tsona tsa ho qala. Joale ha taba tseo e kaba tsona susumetsang khahlano ea bona e mong ho e mong, e ba ho tla qholotseha pherekano le likhohlano lenyalong le joalo. Ha re ka lamella Molimo ho re tataisa le ho susumetsa khetho ea rona ea molekane, ke moo ebang bohlale bo tsoang ho Molimo bo re thusa ho khetha molekane eo mo hlokang, ebile a o tsoanelang, eseng khetho ea nakoana empa ea lilemo tse ngata tse tlang elng  bophelo ba lona bohle. Ha ho le joalo Molimo ha fuoe sebaka sa pele pelong ea motho a ka susumetsa litabatabelo tse itseng le semelo se seng, tse ka ahisanang ho le sebetsa ‘moho bakeng sa lelepa le tsitsitseng “ Ba babeli e tla ba nama e le ‘ngoe” (Mareka 10:8).

Tebello ea Molimo ka lenyalo ke hore ebe selakane sa bophelo bohle, eseng feela tokomane ea molao oa lenyalo. Morena Jesu o ile a fana ka taelo e hlakileng ere: “…Seo Molimo o se kopantseng hammoho, se se ke sa aroloa ke motho” (Mattheu 19:6)

Tsamaiso Ea Bo-Molimo Leapeng

Lehae ke motsana, ‘me joaloka karoloana ea sechaba phano ea boikarabello bo itseng e ea hlokahala. Molimo o re file ‘mapa oa tsamaiso ena Bibeleng. Ke ‘mapa oa matla, oo ha o ka lateloa o tlisang taolo le thabo lehaeng. Boikarabello bo boholo bo hlokoa ho monna, ebe mosali le ngoana, ka hlahlamano eno. (Bala 1 Bakorinthe 11:3; Baefese 5:23-24).Ha Molimo a beha ‘molao’ , ‘molao’ ono e ba o Halalelang. Ho se ikobele molao o joalo ho tlisa masoabi. Ka lehlakoreng le leng,o hlohonolofatsa ba ikobelang oona ka ho loka, thabo le mohau.

Lenyalong monna le mosali ba theha kopano eo ho eona e mong le e mong a bang le boikarabello hape ho na le ho lebeletsoeng ho tsoa ho eena. Bobeli monna le mosali ba hlokahala ka mesebetsi le bokhoni ba bona ba tlholeho bo fapaneng ho etsa lehae le phethehileng.Ho lokela ho be le ea etellang lehae pele ‘me Molimo o file monna boikarabello boo. “hobane monna ke hlooho ea mosali, joalokaha Kreste le eena e le hlooho ea kereke, ‘me ke eena ‘Moloki oa ‘mele oa hae.”

Baefese 5:23). Lerato le joalo le tebisitsoe moeeng oa boinehelo. Ke lerato le nang le tsotello le etsang hore monna a talime mosali “joaloka ‘mele oo e leng oa hae “ (Baefese 5:28). Monna ea nang le lerato ha a nke mosali e le ea ka tlase ho eena. Empa o ntšana se inong le eena, a batle boeletsi ho eena,ho mo etsa molekane oa ‘nete ka lerato la hae ho eena. “Haele lona basali, le utloe banna bao e leng ba lona joalo, hore leha ba bang ba ka ba teng ba sa lumeleng lentsoe, ba mpe ba hapuoe, leha e ke ke ea eba ka lentsoe, e be ka metsamao ea basali ba bona,”

( 1 Petrose 3:1). Ha mosali a latela boetapele ba monna oa hae lehaeng, ‘me monna a latela ba Kreste, lehae la bona e tla ba setšabelo sa khotso le khotsofalo. Baefese 5:33 e re, “…’me mosali eena a hlomphe monna oa hae.” Borabele khahlanong le ‘molao’ ona bo timelitse khotso malapeng a mangata kajeno. Ho hata ka thoko ho ‘molao’ ona ha ho tlise feela khohlano malapeng, empa ho boetse ho tlisa ntoa ea semoea pelong ea mosali.

Sebaka Sa Bana

Hangata le hangata re nahana ka bana, ‘me re etse qeto ea hore ba Hloekile ntle le sekoli ebile ha bana molato le o mong. Leha, ho le joalo, kaofela ba tsoaloa bana le sebe sa tlhaho. ‘Me ha ngoana a ntse hola, o tla lemoha boikhabo ba bo-eena botla eketseha ho paka seo. O tla etsa lintho tse tla sulafalletse eena le ba bang, ‘me batsoali ha ba sa mo khalemele ka thata e qetella eba tloaelo ea hae. Boikarabello ba ngoana ke ho utloa le ho mamela batsoali ba hae. “Bana, utloang batsoali ba lona Moreneng hobane ke ntho e lokileng” (Ba-Efese 6:1). Mohlala o phethehileng oa ngoana ea nang le kutlo ho batsoali re o bona bophelong ba Jesu ha ene le ngoana. “Eaba o theoha le bona, a ea Nazaretha. O ne a ba utloa…” (Luka 2:51) Ha boikokbetso bo tsamaea ka mo bo tsoanelang ka teng, ke moo re fumanang lelapa, batsoali le bana ba thabileng, ‘me hoo ho etsa lelapa le mofutho ho bohle.

Ha tsela ea Molimo ea hlahlamano e latetsoe e ba joale batsoali bat la phelela bana ba bona, ‘me le bana ba phelele batsoali, ‘me bohle ba phelele Molimo. Lelapa le joalo eba hlohonolofatso tikolohong  le metseng ea rona ‘me e fa naha seriti se hlomphehang.

Bacha ba bangata metseng le metsaneng ba inehetse lithethefatsing, joala, menate ea lefats’e, botumo ba nakoana, menate ea boinyakalatso. Ba hapiloe le ho bofshoa ke lefats’e la joale le menyakoe ea lona, ‘me ha ba natse boitsoaro le seemo tsa botho. Lintho tsena tseo ba seng ba sa li natse kajeno ke tsona tse neng li fa sechaba sa rona seriti le boleng bo holimo.  Hore e be rena le bacha ba sa tsitsang le ho iketla boitsoarong na ebe lebaka hase bosieo ba malapa a bolokehileng le a thabileng ele sona sesosa sa mantlha? E be oena o etsang ka boemo bo? Na ha ho so tle ho oena hore ekaba ho etsa lelapa la hao e be le thabileng ho itsetlehileng ho ts’epahalleng Molimo ka pelo ea hao eohle?

Jesu Lejoe La Ntlha La Motheo

Ha motho a batla ho haha lelapa le thabileng ebile le matlafetseng, eka khona Jesu ebe eena motheo oa lelapa leo. Lipula le lifefo tsa bophelo li ka tla khahlanong lenyalo le joalo, empa ka Kreste le tla ema le be le hlole.

(Mattheu 7:24-27)

“Ka baka leo, e mong le e mong ea mamelang lipolelo tseo tsa ka, ‘me a etsa ka tsona, nka mo ts’oants’oa ka monna ea bohlale, ea hahileng ntlo ea hae letlapeng; ‘me pula ea theoha, phororo tsa tla, le meea ea foka, ea otla ntlo eo; ‘me ha e a ka ea oa, kahobane motheo oa eona o le letlapeng. Empa e mong le e mong ea mamelang lipolelo tseo tsa ka, ‘me a sa etse ka tsona, a ka ts’oants’oa ka monna ea leoatla, ea hahileng ntlo ea hae lehlabatheng; ‘me pula ea theoha, phororo tsa tla, le meea ea foka, ea otla ntlo eo, ‘me ea oa, ‘me ho oa ha eona ea eba ho hoholo.”

Morena Jesu ke eeena ea re supisang tsela, ea re fang matla hap eke eena ea re khothathatsang hore malapa a rona ebe a atlehileng ebile a thabile hara lefats’e le khopo le senang qenehelo. Morena Jesu ha sa le lefats’e ene ele motho ea ratang lelapa, ho joalo le kajeno ‘me u malala-a-laotsoe ho kena ka hara malapa a rona. Ke ka hoo a reng: “Bona, ke eme monyako, ‘me kea kokota…” (Ts’enolo 3:20). Pele, u kokota monyako oa lipelo tsa rona, e be ha morao u kokota monyako oa malapa a rona. Na e be oena o tla mo bulela?

Bonnete ba taba ke hore lelapa le thabileng le qala lipelong tsa rona.  Re tla sitoa hoba le khots esa ‘nete le thabo ea sebele malapeng a rona ha feela lipelo tsa rona li sa apareloa ke thabo le khotso. Tlholo ea letsatsi ka leng khahlanong le tsitspano le pherekano tse tlang letsatsi le leng e k aba ea rona ha fella re ka beha ts’epo ea rona ho Molimo. “Ea pelo e tiileng u tla ‘moloka khotsong e fetisisang, ka hobane o u ts’epile” Esaia 26:3

Lelapa le behileng kapele batla rapela hammoho bakeng sa lipelo tsa bona, bakeng sa lelapa la bona, le bakeng sa litlhoko tsa tikoloho e ba potileng. Thapelo e tlamahanya lelapa hammoho. Polelo e tsepahalang e tummeng e re: “ lelapa le rapelang hammoho le lula hammoho.”

O lokela ho lumela le ho amohela morero oa Molimo bakeng bophelo ba hao le lelapa la hao. Bulela Morena Jesu monyako oa pelo ea hao “Kajeno, ha le utloa lentsoe la Oona, le se ke la thatafatsa lipelo tsa lona..” Ba-Heberu 3:15. Morena o larile o emetse ho hlohonolofatsa pelo ea hao le lelapa la hao. Khutlela ho Eena ka pelo eohle ea hao ‘ me o mo tsepahalle. Ka letsatsi le leng le Eena ka lebaka la qeta e molemo eo o ka ee etsang, u tla u bulela monyalo oa lehae la hae eleng leholimo, moo teng o tlang ho khahlanyetsoa ke thabo le khotso tsa ka hosafeleng.

Hokahana le Rona

Kopa libukana